快車茶餐廳

營業中

休息中

農曆五月初八為龍母誕，因為屋企人係正日雖要工作，所以我哋就提早一日前往坪洲龍母廟進香朝拜。結束後，我哋就去咗快車茶餐廳食晚飯。蒜蓉蒸扇貝花雕蟹煎封魚上海鹽焗雞籠仔蝦（糯米飯底）黃金飽魚南瓜椒鹽瀨尿蝦豆卜湯海鮮全部都非常之之咁新鮮，依度重點介紹下花雕蟹、籠仔蝦同埋黃金飽魚南瓜。花雕蟹蛋滑之餘、非常之香嘅花雕味，配白飯就最合適。籠仔蝦係蒸嘅，而籠底仲有糯米飯。糯米飯吸收哂蝦嘅鮮味，又係另一絕。我平時食飽魚都係蒸嘅多，好少食咸蛋黃爆炒。黃金飽魚南瓜確係一款特別嘅菜式，飽魚剛剛好，咸蛋黃又唔會太搶出嚟，而配角嘅南瓜亦都好香好好味。依道菜一定要襯熱食。有機會去開坪洲嘅話，大家可以去試下呀，不過提提大家，大部份海鮮都要預約先有得食嫁。