真味鮮廚 (已結業)

又黎到最鍾意既打邊爐+雞煲，任飲任食一次過滿足兩個願望！自助區有唔同小食、醬料同飲品，可以自己拎🍴刺身拼盤有甜蝦，鮑魚，帶子，三文魚，八爪魚🐙，希靈魚，份量十足。而且每份刺身都係厚切，鮑魚都好厚身！另外醬油同wasabi係自助區自己拎，個wasabi非常有料到！🍴重慶雞鍋先開大火炒個雞煲，全部雞既表面都有d燶燶地，加上所有配料都入晒味，非常惹味！邊爐方面我地揀左胡椒蘿蔔排骨鍋做湯底，上菜之前飲2碗湯先～🍴肉蟹海鮮盤 🦞+ 龍蝦海鮮盤🦞上到檯面都覺得非常震撼，份量十足！兩個海鮮盤都有海蝦🦐、聖子、帶子王、龍躉肉、青口、鱔片，全部海鮮都好新鮮同埋份量好大！🍴特級安格斯肥牛🥩打邊爐當然唔少得肥牛，牛肉雪花分明，牛味濃郁。🍴巨型水餃皇🥟水餃有成個碗咁大，入面有幾隻鮮蝦，好飽肚。