鮨心 (已搬遷) 新店位置

星期日放假，約左班friend去旺角行街shopping，行左大半日，又攰又餓，緊係要搵D野食下啦，但D姐妹就呢個話怕肥，果個話要返屋企食飯，結果就淨低我地兩個，我地都鍾意食日本料理，但喺旺角想搵間有水準嘅日式料理選擇就唔多，我地就上開飯網搜尋左下，發現附近新開左間“鮨心”，喜歡試新野嘅我哋，一於就上去試下啦！天氣好熱令人煩躁，入到餐廳好涼爽，心情秒速變番靚。店員熱情地遞上茶水，還因為我地係第一次黎，店員就向我地介紹一D比較多人orderr既菜式！例如大蝦天婦羅卷，蝦大隻而不失鮮甜，酥脆而不覺油膩，混合芥末醬非常惹味！特上刺身拼盤品種丰富，帶子大隻、三文魚腩厚切、吞拿魚、油甘魚等，件件都相當新鮮，口感十足  青瓜麥粒味噌，新鮮的青瓜蘸上麥粒醬，既爽脆又好吃，而且仲好有营养價值添。雞泡魚乾天婦羅，魚乾香韌而有嚼勁，風味獨特，有特色，回味無窮。厚燒玉子，玉子顏色很靚，口感軟綿，唔黏口，香甜可口，清酒煮蜆，大隻肥美，清酒味比較濃郁，而且乾淨冇沙！間餐廳整體唔錯，刺身新鮮，料理亦食得出係師傅用心之作，下次會再黎！