4號烤吧 (已結業)

好耐都無食過燒烤呀！通常鍾意係小食店裡擼串串，但都有坐得舒舒服服既燒烤店選擇。今次來到「4號烤吧」，環境闊落空間感十足，坐得好舒服，仲有大電視聽歌。員工服務好好，抵贊！今次我地揀左魚豐盛套餐！認真「豐盛」！叫左香辣烤魚，餐廳十分照顧顧客需要。會比客人自己選擇辣度，配料等等。今次揀左bb辣，食落香得黎唔會特別辣。條魚好大條，絕對夠飽肚。怕多骨嘅人可以放心，因為係絕對唔多骨！旁邊有配菜如豆卜，雲耳等等。套餐仲可以選擇二個前菜小食，雞軟骨同川香牛肚。雞軟骨份量頗多，而且好香口。最後仲有6串串燒豬腩肉真係好好味，燒得外脆內軟，油香味十足雞肉都唔差，唔會好韌，啱啱好。牛肉都幾大舊，夠韌性！套餐可以選擇一楂竹蓆茅根，可以降火，味道清甜。