和牛燒肉一郎 (新都城中心二期) (已結業)

放假前當然要食番餐勁，今次就瘋狂食和牛。呢間餐廳特別在會提供「和牛識別番號」，可以追尋隻牛邊到嚟，知道來源，保證有質素，食得更放心。揀好套餐後，店員會先上咗頭盤先。套餐C有舟盛合、桶盛合、極上花盛盒同埋和牛西冷。一開始就已經食勻曬海陸空嘅野食。和牛西冷油脂滿滿如雪花般，肉質鮮嫩，油份十足，正！鰻魚白燒呢個係季節限定，店員燒到鰻魚表面香脆，食落魚肉嫩滑，配上檸檬同鹽已經夠曬鮮味。牛刺身系列牛刺身係細個食某邊爐餐廳嘅回憶，香港唔算太多。一見到呢到有咁多牛刺身就瘋狂嗌。生牛肉刺身入口即溶，鮮味突出。而拌生牛肉係同生雞蛋攪拌，就好似食生牛肉他他咁，但呢到係將牛肉切成絲，啖啖都係有咬口嘅牛，牛香同蛋香絕對係好朋友。當然燒肉質素同樣有保證。作為牛脷控可以瘋狂嗌牛舌，就算唔係牛舌芯都好嫩滑。除此之外，仲有和牛薄炙里脊肉、和牛薄炙壽喜燒里脊肉。佢地都可以配上溫泉蛋一齊食，牛嘅濃郁同嫩滑蛋汁非常夾。仲可以將里脊肉燒完配海膽壽司，食法特別，牛肉海膽雙重鮮味。所以呢到食材配搭好豐富。當然飲品甜品都好多選擇，仲要好高質素。