月瀧天 (已結業)

本人和朋友在中環上班，特意乘港鐵黎開餐，事源早前經開飯團購買左48蚊O既午市放題， 加一以原價98蚊計算。選擇包括中、越、泰O既食品，款式都算OK，尤其以呢個價錢連車費，係中環都唔可以去飲餐茶，普通一個set lunch都唔得。我地12:20到達，1:45離座，我地都食左多過一半O既野食，入座率達七成左右，上菜都算快，至O岩我地咁趕時間，又想食多D o既食客。因為怕唔夠時間同好飽，所以食到後面果D都係食左一、二啖。呢個越南雞絲河唔多掂! 河粉好鞋，湯底有怪味，我都係食左2啖。旁邊果碟係青胡椒炒豬頸肉，豬頸肉炒得好林! 大半碟清左。泰式蝦膏炒豬頸肉呢碟都OK! 豬頸肉炒得好林! 翡翠花枝片味道同前果2碟炒豬頸肉都無乜分別，但都OK好味，都係大半碟清左。旁邊果碟係原只葱燒蝦，雖無蝦味，但十分香口。呢個泰式炒飯食到最尾太飽啦! 食左2匙，甜甜地，無乜料，尚算OK!呢款甜品都OK，有酒店水準，奈何都係太飽，都係食左1啖。因為食左木糠布甸，佢成杯都好多忌廉，得面係餅乾粉。旁邊果碟係奶凍就唔多掂，唔滑，頗硬左少少，1啖即止。