串串居 (已結業)

今日經過佐敦想搵下平野食，見到串串居的套餐都唔算太貴，而且唔洗等位，一於試下啦。其實個舖面好細，都係得幾張檯，雖然有D逼，但還可以接受。餐牌定食的選擇唔算少，雖然都係D大路野，好似豬軟骨，日式叉燒，鹽燒鯖魚等等，但仲有其他貴少少的款。唐揚炸雞定食 - 心血來潮想試下唐揚炸雞，味道一般，炸雞的粉較厚，而且分量唔多，炸得唔算太乾，都算可以接受。燒鮮冬菇串 - 冬菇味道同口感都唔錯，可惜分量少左D。整體而言，咁既價錢的晚餐都算係可以接受的，不過只可以人少少咁來食同唔好期待太高囉。