影片
更多
2023-03-09
629 瀏覽
今日午餐去左老遠食串串火鍋，地點係深水埗元州街串串貢，其實係四川重慶風味串串自助火鍋。平日午市$178加一，任飲任食兩個鐘頭。湯底另外加錢，有紅有白有鴛鴦鍋有三宮鍋。湯底紅鍋包括重慶經典麻辣湯/四川老壇辣酸菜湯，$68；白鍋包括蕃茄蘋果/芫茜皮蛋/沙嗲清湯，$58。鴛鴦鍋有紅白$78/雙辣$88。三宮鍋$88。可以揀辣度。三宮鍋（四川老壇辣酸菜湯/蕃茄蘋果/芫茜皮蛋）$88 另加一第一次黎，當然揀個三宮鍋試試唔同湯底。四川老壇辣酸菜湯叫左微辣，辣度對我黎講都算辣，而且湯底鹹度都唔低，入面有好多酸菜絲，味道不俗。芫茜皮蛋有唔少新鮮芫茜，好味道，皮蛋都有唔少，個湯味道都幾清。最驚喜係蕃茄蘋果，味道甜甜地，無論淥肉定菜都一樣好味道，而且蕃茄膏豐富，食到尾都唔會太淡，仲有唔少蘋果肉食。個鍋滾得夠勁，唔洗等好耐。所有食物都係自己出去攞，唔洗等。肉類放滿兩個半雪櫃，蔬菜就一個半雪櫃，食物種類都唔少。基本上全部食物都有label，清楚方便。有一款無特別寫名既豬肉非常好食，又厚身又重豬味又夠嫩，值得不斷encore，而且餐廳有refill 西班牙五花腩豬味濃，食落爽脆，塊皮彈牙美國安格斯牛肩胛較爲薄身
三宮鍋（四川老壇辣酸菜湯/蕃茄蘋果/芫茜皮蛋）$88 另加一
三宮鍋（四川老壇辣酸菜湯/蕃茄蘋果/芫茜皮蛋）
$88
4 瀏覽
0 讚好
0 留言
三宮鍋（四川老壇辣酸菜湯/蕃茄蘋果/芫茜皮蛋）
$88
9 瀏覽
0 讚好
0 留言
西班牙五花腩, 豬
8 瀏覽
0 讚好
0 留言
西班牙五花腩豬味濃，食落爽脆，塊皮彈牙
美國安格斯牛肩胛, 澳洲極品肥牛
11 瀏覽
0 讚好
0 留言
澳洲極品肥牛脂肪多，嫩中帶少少脆
手打黑椒牛肉丸好大粒，肉質好正！唔會死實，食得出既新鮮！味道少少黑椒味，所以只係少少辣
叫得串串火鍋，主角當然係串串，雪櫃有多款肉類串串選擇，有芫茜牛肉串，泡椒牛肉串，香蔥牛肉串，青椒牛肉串，黑椒牛肉串，麻辣牛肉串，沙嗲牛肉串，芝麻牛肉串，孜然牛肉串。孜然牛肉好香孜然味，肉質都可以。沙嗲牛肉串既沙嗲味剛剛好。芫茜牛肉串係牛肉片包住芫茜，好清新。
都試左其他食物。鴨血爽脆，日本蜆肉鹹香，象拔蚌夠爽。
其他食物有好多選擇，包括龍利魚片，玫瑰豉油雞腎，鴨腎，秘制油牛筋，咖喱嫩雞肉，麻油滑雞髀，花雕雞翼，薑麻鴨髀，魔鬼雞翼，廚師腸，豬耳，蟹柳，紅腸，臘腸，八爪魚，魷魚，牛黃喉，手撕羊肉，豬大腸，魚肉片，午餐肉，竹輪，龍蝦丸，牛丸，花枝丸，魚蛋，燒賣，炆豬手，生雞蛋，台灣面筋，豆腐面筋，白豆卷，面藕，野尖笋，芋頭，素牛柏葉，南瓜，冬瓜，豆腐等等。
另一個雪櫃有自助蔬菜，包括時令蔬菜如新鮮生菜娃娃菜，西蘭花，金菇，蒿筍，雲絲，腐皮，木耳，粟米，昆布，蓮藕，豆芽，海帶，薯仔都有。龍鬚菜好特別，其實係滑溜海藻。昆布好滑。木耳非常爽口。
麵食有7款，仲有炸魚皮同一款包裝小食。
調味料自助。
自助飲品大部分係汽水，都有清水同維他包裝茶飲。
呢度都有麻辣燙車仔麵，湯底可揀麻辣或者酸湯。麵底可揀薯粉，烏冬，上海麵，公仔麵。任選串串配料四串加飲品只係$36，六串就$42，八串就$48，價錢非常實惠。
麻辣燙車仔麵（酸湯薯粉象拔蚌，孜然牛肉，沙嗲牛肉，牛筋）
我揀左酸湯微辣，辣度剛剛好，唔錯。薯粉又幼又滑。伴有生菜幾條，豆卜4件同酸菜。面頭撒上少少芫茜。配料淥好比你食。總括而言，肉類質素比想象中好，個人特別鍾意豬肉，蔬菜都好新鮮。座位舒適，冷氣夠勁。服務員態度友善。可以試試。
張貼
