Cheeky Pasta (已結業)

今日去咗亦中伏 ，無睇Openrice, 行過見到舖面幾得意，有少少歐洲風，老闆亦有笑笑口打招呼，當時店內所設的兩張枱同4張座位已坐滿，所以買咗佢既"肥嘟嘟薯條"試下，唸住一路食一路等位。過咗5分鐘，薯條未到但有兩位食客離開，老闆亦立即清潔好，咁我走去打算坐吓等薯條啦，點知坐都未坐低，老闆已繼續用佢嘅招牌笑容咁話座位係留比每位消費滿HKD50的客人，當時係下午2時半，過曬lunch時段，而今日係公眾假期，汕頭街人流不多，枱面或餐牌亦冇寫最低消費的要求，而我後面絕對係無任何人等緊，我唯有行開繼續等我嘅"外賣薯條"啦，但所有appetite即時無曬，本來唸住薯條嚟到ok嘅話再叫個沙律嘅，但老闆咁串咀，都係去第2度食算。又過咗5分鐘，薯條終於到，名字係叫"肥嘟嘟"，但並唔係幻想中嘅厚切薯條，無任何芝士或其他伴碟，當然亦冇不同醬汁啦，只有一盒外賣蕃茄醬同一D調味粉喺薯條上面，用透明膠盒放好，街頭小食嚟講衛生係唔錯㗎，心諗好彩老闆只expect我外賣，唔比我坐低咋，我知你哋係主打薯條，我亦可能唸多咗啦，但HKD35一盒外賣薯條實在值，過好彩本身薯仔唔難炸，其本上好少舖頭會炸薯條都做唔好嘅。