影片
更多
2010-05-15
91 瀏覽
自從食量離奇急速下降之後，喜歡到較多小食或者細細碟既餐廳，所以食串燒會係一個唔錯既選擇。而呢到係我心水餐廳之一，天后也有分店，還是喜歡跑馬地呢邊多d。先黎沙律菜，有青瓜，紅蘿蔔，菜等等，雪個既關係，冰冰地，食落清新，亦隨意點了幾款串燒。先黎係汁燒白菌，汁雖然係上碟加上去，不過個白菌唔會燒到太乾，食落亦多汁。本菇燒到有少少燶，香口，有好香既牛油味。跟住既係燒雞翼同埋雞皮蝦卷，鹽燒雞翼，鹽灑得平均，唔洗自己再加鹽都好夠味，師傅好野。雞皮蝦卷，用雞皮卷住蝦，雞皮燒得乾，沒有肥，唔想剩食雞皮，呢個係另一個選擇。露荀豬肉卷同埋煙肉車尼茄，呢兩客都係d肉卷住d蔬菜既串燒，豬肉同煙肉都燒得好乾身，但係卷住既露荀同埋車尼茄依然多汁。內臟類今日要左雞肝同雞腎，雞肝夠粉，不錯。雞腎今日燒得乾了點，要嚼耐d，呢兩款伴酒真的一流。跟住再追加左幾款肉同埋鵝肝。燒牛舌平時很怕果d大而無當油身燒牛舌，呢到厚道大小good fit，食落很甘香爽口。白鱔，今日唔要鰻魚要白鱔，皮好脆，外面乾身，裡面肉冇燒到乾哂，食落肥美好味。栗米仔係唔要原條燒既另一個選擇，也不錯。食串燒銀杏是必叫的，食落帶小小苦，很軟身，係我其中一款m
自從食量離奇急速下降之後，喜歡到較多小食或者細細碟既餐廳，所以食串燒會係一個唔錯既選擇。而呢到係我心水餐廳之一，天后也有分店，還是喜歡跑馬地呢邊多d。
先黎沙律菜，有青瓜，紅蘿蔔，菜等等，雪個既關係，冰冰地，食落清新，亦隨意點了幾款串燒。
先黎係汁燒白菌，汁雖然係上碟加上去，不過個白菌唔會燒到太乾，食落亦多汁。本菇燒到有少少燶，香口，有好香既牛油味。
跟住既係燒雞翼同埋雞皮蝦卷，鹽燒雞翼，鹽灑得平均，唔洗自己再加鹽都好夠味，師傅好野。雞皮蝦卷，用雞皮卷住蝦，雞皮燒得乾，沒有肥，唔想剩食雞皮，呢個係另一個選擇。
露荀豬肉卷同埋煙肉車尼茄，呢兩客都係d肉卷住d蔬菜既串燒，豬肉同煙肉都燒得好乾身，但係卷住既露荀同埋車尼茄依然多汁。
內臟類今日要左雞肝同雞腎，雞肝夠粉，不錯。雞腎今日燒得乾了點，要嚼耐d，呢兩款伴酒真的一流。跟住再追加左幾款肉同埋鵝肝。
燒牛舌平時很怕果d大而無當油身燒牛舌，呢到厚道大小good fit，食落很甘香爽口。白鱔，今日唔要鰻魚要白鱔，皮好脆，外面乾身，裡面肉冇燒到乾哂，食落肥美好味。栗米仔係唔要原條燒既另一個選擇，也不錯。食串燒銀杏是必叫的，食落帶小小苦，很軟身，係我其中一款must order item。
燒鴨舌惹味非常，雞頸肉，燒得乾身，雞頸肉甘香，出色。好耐冇食過呢到既鵝肝，要左客，面燒得少少脆，食落非常甘香，值得一試。
食串燒，啤酒少不了，有兩款，麒麟啤買二送一，飲勝。不太記得係邊聽過，日本人食串燒係放工相聚，一幾串加杯啤酒啤一啤，香港人食串燒食到好似求簽禁，文化唔同，串燒當飯食，又好何呢？
張貼
