麻辣串串香 (已結業)

朋友介紹去一家小店度食串燒， 串燒通常好多肉， 對於女仔嚟講可能會係一個負擔， 但睇下menu發覺原來好多蔬菜類 ，所以即刻坐低落單！燒扇貝～ 扇貝非常大隻，差不多有一隻手掌的大小，肉質非常之鮮甜， 食落一啖啖蒜香！燒金菇～ 非常之爽脆，加上錫紙包住孜然粉同蒜蓉，全部味都落曬去金菇度，裏面每一啖都係可以有香濃嘅蒜蓉同埋孜然粉味！燒韮菜～ 我覺得係一件好有手工嘅事嚟！因為要將一條條韮菜串落去一支竹籤，其實係不容易，看出師父的心機，而且燒得係非常之入味，估唔到韭菜配孜然粉係這麼的出色！燒芫茜～ 第一次食！！因為出面好少串燒店可以食到芫茜！估唔到燒出嚟嘅時候會散發一陣一陣的清香，把芫茜嘅味全部都帶曬出嚟！燒茄子～ size好大！而且蒜蓉都十分之足夠！ 夾著埋茄子肉，真係一梳梳 沾滿曬蒜蓉！而且一啲都唔乾！燒雞翼～燒得外脆內軟，而且燒到雞肉依然非常juicy ，難得難得！重慶酸辣粉～ 男人總要食啲澱粉質先至會夠飽，重慶酸辣粉味道好惹味， 感覺正宗，配埋響鈴簡直一絕！