魂燒 (已易手) 新餐廳

某日的朋友聚會約左9點，放左工同另一個fd無無聊聊係太子行，又有d肚餓，於是就去左魂燒食小小野打定底！店舖左面係廚房位置，有位店員係度燒串燒，非常吸引。本來以為只有室外位置，但店員話原來店內都有位，而且有冷氣同直立風扇。小店佈置有日式小店風味，坐位不多，但幾適合朋友傾下計。食物選擇都算多，但因為我地仲要食下一餐，所以就叫左幾樣野share.燒大扇貝(三隻)用牛油同蒜蓉燒得非常入味扇貝都幾大隻而且已經剪左d唔食嘅位扇貝肉厚又鮮味，裙邊非常爽口。三燒安格斯一口牛牛肉粒分別有汁燒，西京同海鹽牛肉好淋，肥瘦平均燒細虎蝦(3隻)蝦肉爽口，但有點燒過龍，其中一隻有點乾野菜芝士大板燒入面有大量生菜同蔥，邊燒得脆卜卜所有食物即叫即整，熱辣辣，值得一讚。