焱燒串燒專門店 (已結業)

一串串大口吃肉，真係好爽✨ 佐敦呢間新店，裝修格局新淨帶點型格，比一般串燒小店decent得多🖤 串燒種類多達90款，包括牛肉、雞肉、豬肉、羊肉、海鮮、蔬菜、炸物等，定價親民。同朋友叫左下面呢推食物：▫️迷你軟穀蟹漢堡，size 細細，包身帶筋度好嚼，軟殼蟹鮮香，又整得幾好味。▫️扇貝勁大勁厚肉，鮮甜滋味，可揀蒜蓉/白汁芝士。呢度嘅海鮮仲有蟶子、燒生蠔、龍蝦虎蝦盲曹等，有啲係要預訂。▫️燒鵪鶉蛋比較少有，當然要一串懷舊一下。▫️燒焦糖菠蘿，外層焦糖脆薄一片，咬開湧出甜美菠蘿汁，無敵。▫️安格斯一口牛，鬆軟大大粒▫️另外仲食左台灣腸、帶子燒肉卷、多春魚、雞泡魚乾、鹽燒八爪魚鬚、娃娃菜，全部味道都滿意。最緊要係會一次過用大盤上碟，全部新鮮燒起，乾淨整齊唔洗一枱都係碟，一次過開動😋 呢個都係加分位。