影片
更多
2023-11-23
193 瀏覽
一向係呢檔燒牛舌嘅忠實粉絲，但今日食咗一串又凍又梅嘅牛舌，同埋一肚氣！平時買親都會問辣定唔辣，係落唔落辣粉嘅意思。今朝短髮阿姐開檔，叫我等20分鐘，我乖乖地等，番到嚟唔對路，串嘢竟然落咗沙嗲醬。我問阿姐點解串嘢同平時唔同晒，平時唔係沙嗲醬，係乾身落味粉㗎，仲有我唔食沙嗲！！！阿姐堅持：“辣就一定係沙嗲㗎啦”我話：“平時每次話辣，你地都係落紅色辣粉，無醬㗎”阿姐兇兇地：“你係咪夜晚嚟食呀？夜晚唔同㗎，日頭就係沙嗲”下，我心諗唔係呀嘛，日夜同一餐單唔同味㗎？咁你地舖頭點解唔寫明喺餐牌？我答：“總之我係唔食沙嗲嘅，宜家可以點？”阿姐話：“咁你再等多20分鐘囉”我：“頭先已經等咗20分鐘，我無可能再等，一係退錢啦”阿姐：“無得退錢，沙嗲就沙嗲，一係你要咗佢，一係我用水沖走啲醬，再燒一燒落番味粉”我揀咗後者，佢沖走沙嗲醬，一分鐘hea整完俾番我。結果，呢串牛舌又梅又凍又無味！而且受咗短髮阿姐一肚氣！
今朝短髮阿姐開檔，叫我等20分鐘，我乖乖地等，番到嚟唔對路，串嘢竟然落咗沙嗲醬。
我問阿姐點解串嘢同平時唔同晒，平時唔係沙嗲醬，係乾身落味粉㗎，仲有我唔食沙嗲！！！
阿姐堅持：“辣就一定係沙嗲㗎啦”
我話：“平時每次話辣，你地都係落紅色辣粉，無醬㗎”
阿姐兇兇地：“你係咪夜晚嚟食呀？夜晚唔同㗎，日頭就係沙嗲”
下，我心諗唔係呀嘛，日夜同一餐單唔同味㗎？咁你地舖頭點解唔寫明喺餐牌？
我答：“總之我係唔食沙嗲嘅，宜家可以點？”
阿姐話：“咁你再等多20分鐘囉”
我：“頭先已經等咗20分鐘，我無可能再等，一係退錢啦”
阿姐：“無得退錢，沙嗲就沙嗲，一係你要咗佢，一係我用水沖走啲醬，再燒一燒落番味粉”
我揀咗後者，佢沖走沙嗲醬，一分鐘hea整完俾番我。
結果，呢串牛舌又梅又凍又無味！而且受咗短髮阿姐一肚氣！
串燒牛舌
$20
34 瀏覽
0 讚好
0 留言
張貼
