渡船角海鹽燒 (已結業)

今次想推介下呢間串燒閒日唔洗點等位~但都八成滿!環境好舒服 好乾淨張枱夠哂大~唔洗趕住食哂d野上其他野食~可以慢慢傾計慢慢咬~服務態度超好~會主動加水~斟飲品~好好笑容=)食物質素個人覺得都好高~火喉同味道岩岩好~唔會全部都係同一種味~真係食過有D串燒全部都係同一種調味粉既味==”覺得唔夠味既每枱都有沖繩海鹽同辣粉 自行調配呢到既串燒雞中翼係我食過最好食既~呢個必點!有幾種比較少見既特色推薦大家牛乳薯餅 冇乜薯味~反而少少似芝士容味~@@芝士年糕~我本身對” 芝士年糕” 麻麻~覺得好漏同冇乜味~但呢個好正!~ 要試要試! 另外素食尤其有水準蒜蓉脆豆卜 脆得黎裡面唔會乾哂~控制得幾好茄子船超多蒜容!! 好香~但多得黎又唔會苦啵!什菇包幾大包~牛油蒜蓉香完全抵抗唔到~菇類切得細粒~好入味!