影片
更多
2018-02-18
38 瀏覽
好耐無去過荃灣，最近同朋友過開去，先發覺原來有好多好野食，趁凍凍地大家一致食雞煲，去左燒皇，同時可食埋串燒，一次滿足兩個願望。首先點左幾樣必食嘅串燒款式，全部都係即叫即燒，雞翼好正食極都吾夠咁，不過要留肚食其他唯有吾翻點住。燒鱔一定要試，用左蜜糖燒一流。其餘燒菠蘿，燒雞皮，多春魚呢D都係用來佐酒吹水最好不過，未開始食雞煲前可以盡情食，又吾會太滯肚。另外一定要點呢個燒牛肋骨，好抵食，先218元一大條骨，起左肉切埋方粒，加左香料同黑椒燒，熟度剛好，肉質軟糯，封住了全部肉汁所以好夠牛味，啱哂我地幾個牛魔王。之後進入主打雞你，我地叫左麻辣湯底，其實仲有椰子雞湯底都想試，不過幾個人都想食辣野，所以最後都係叫左經典麻辣雞煲。雞煲有辣度選擇，我地揀左小小辣小小麻，所以好易入口，有麻辣香之餘又吾會食到噴火胃痛。其實我地叫左一隻雞既份量，已經好夠食，友人再叫好多配料，包括有必食安格斯牛，牛肉淋身好有牛香味，大家由食雞再食牛都無停過口。配料有好多，我地揀左D大路野有幾款丸，響鈴，蘿蔔，芋絲，同埋廣島蠔。全部質素都吾錯，而且食到我地好飽。最後每人一個冰凍椰青解一解熱氣，正。我地食到勁飽又好多正野食，每人都係
首先點左幾樣必食嘅串燒款式，全部都係即叫即燒，雞翼好正食極都吾夠咁，不過要留肚食其他唯有吾翻點住。燒鱔一定要試，用左蜜糖燒一流。其餘燒菠蘿，燒雞皮，多春魚呢D都係用來佐酒吹水最好不過，未開始食雞煲前可以盡情食，又吾會太滯肚。
另外一定要點呢個燒牛肋骨，好抵食，先218元一大條骨，起左肉切埋方粒，加左香料同黑椒燒，熟度剛好，肉質軟糯，封住了全部肉汁所以好夠牛味，啱哂我地幾個牛魔王。
之後進入主打雞你，我地叫左麻辣湯底，其實仲有椰子雞湯底都想試，不過幾個人都想食辣野，所以最後都係叫左經典麻辣雞煲。
雞煲有辣度選擇，我地揀左小小辣小小麻，所以好易入口，有麻辣香之餘又吾會食到噴火胃痛。
其實我地叫左一隻雞既份量，已經好夠食，友人再叫好多配料，包括有必食安格斯牛，牛肉淋身好有牛香味，大家由食雞再食牛都無停過口。
配料有好多，我地揀左D大路野有幾款丸，響鈴，蘿蔔，芋絲，同埋廣島蠔。全部質素都吾錯，而且食到我地好飽。
最後每人一個冰凍椰青解一解熱氣，正。
我地食到勁飽又好多正野食，每人都係300蚊，無加一，下次幾個朋友來邊食邊聯宜下真係吾錯。
張貼
