串酒里 (已結業)

嚟到山林道搵嘢食，行行下見到有個好細既入口，原來行入去就有一間隱世既串燒店係入面，我哋就去試下。串燒無理由唔配啤酒！呢度有第一次試既葡萄牙啤酒Super Bock，我叫咗啤酒，朋友叫咗麥啤，味道清清地幾易入口。每次食串燒都好鐘意叫薯條食，叫咗呢個黑松露沙律醬薯條($49)，薯條係厚切，配埋啲醬好夾。朋友叫既金菇肥牛卷($38)蒜蓉燒原條茄子($45)，條茄子好大份量，醬料好多，食落去好濃味。大漠羊肉串($48)，食落去一啲都唔腥，口軟好軟熟。秘製醬汁香燒豬頸肉($59)，每份都係厚切，呢個口感都好軟身，連埋醬料好好味。脆燒日本原條鰻魚($59)燒秋葵($25)同燒雞軟骨，終於食返啲菜類啦。重頭戲嚟，分別叫咗車打芝士燒扇貝($52兩隻)同黃金蒜蓉燒扇貝($52兩隻)，兩隻味道都好濃！再嚟多個串酒里燒蠔拼盤($198)，第一次見呢種有咁多唔同燒盤配搭既拼盤，有芝士、黃金醬、蒜蓉、肉醬、黑松露... 好多唔同款既配搭，我自己最鐘意就係黑松露嗰隻！