喜聚燒 (已結業)

放假約朋友吹水最好都係食串燒。呢一間喜聚燒係寶勒巷Prat 8樓，貪佢靜靜地又易搵位，坐靠窗位仲可以望落去條街，好好feel。串燒加啤酒就一定。但推介佢哋嘅特色招牌菜鑊仔麻辣雞。喜歡食麻辣雞煲嘅朋友一定鍾意，夠麻夠辣夠香，雞肉又嫩滑，份量仲好足。食串燒又間下食雞煲，雙重享受。另一個必食嘅係黑啤燒特厚牛仔骨，一客兩塊，每塊都成隻麻雀咁厚，咬落仲好Juicy。山賊雞翼都神還原譚仔嘅土匪雞翼，仲可以用枱面嘅孜然粉加重啲味。