酒燒弄 (已結業)

喺奧海城行完街商場餐廳食到悶，於是行過附近小店林立嘅大角咀搵到呢間食串燒嘅特色小店。前菜小食：唐揚雞少食多滋味，炸得熱辣辣香口肉嫩。燒烤: 烤和牛橫膈膜和牛味濃多汁，肉質軟霖烤到好惹味，食到舔舔脷😋串燒：極品牛舌心燒得非常入味又夠淋身，食唔到騷味有咬口；黑豚五花卷配爽脆嘅蘆筍Perfect Match!主食: 個人推薦豬頸肉腩冷拌蕎麥麵，經過烤同炸嘅豬頸肉非常香脆，搭配埋芝麻醬嘅香同蕎麥麵一齊食，口感豐富食唔停口；另外仲有叫熱湯稻庭烏冬，有木魚絲鋪面同冬菇配菜，湯底鮮甜烏冬爽滑。最後飲返杯荔枝梳打，解渴又解膩。