彩虹串燒專門店 (已結業)

記得好耐之前睇過yellopenrice介紹呢間彩虹串燒專門店，疫情下好耐冇出去食😢今次終於試左試呢間小店。宜家佢地仲有lunch menu 有各式飯麵食。不過小店因為疫情肆虐，三月開始荃灣分店就會暫停營業至另行通知，大家可以外賣團購繼續支持小店💪1️⃣馳名彩虹厚切牛脷丼飯（$62） 呢個真係好抵食🤩牛脷超厚，有四大片，食落啖啖肉而且咬落有嚼勁又夠肉汁，超正。  2⃣️紅酒燴牛腩配飯（$50）醬汁酸酸甜甜拌飯一流，而且幾惹味。牛腩比較碎，有筋有肉，醬汁調得唔錯不過牛腩份量比較少。  3⃣️花雕醉蜆配烏冬（中辣）（$42）呢個好食wor😋辣味好夠，而且加埋花雕酒既香氣，冬天食一流～  4⃣️初戀芝士撞棍（$26）呢個幾特別，係響鈴配芝士。響鈴夠脆，微微燒過，食落脆口伴隨住邪惡既油脂感😈面頭配上半溶芝士，值得一試。  5⃣️戲院魷魚（$26）呢個同我想像中有啲唔同，本身以為係類似汁燒魷魚咁，但係原來佢係燒得偏乾，焦脆狀態既類似魷魚乾咁既。  6⃣️芝士玉子燒（$22）玉子燒冇乜味😢同埋好細件，唔係太抵嗌。  7⃣️一口芝士波（$40） 鍾意食芝士既人一定要嗌呢個🧀️啱啱炸出一咬落去好脆身，入面既芝士即刻流出🤤呢個我一個