秋香 (黃金海岸商場) (已結業)

新年過後都無乜食過好嘢，平日都係食吓三餸飯或粉麵就一餐，老公最近贏咗馬仔，就話請我食餐好的，我梗係二話不說就話要去黃金海岸的秋香，皆因之前去康景花嗰邊食晚飯，見秋香很多人，現在黄金海岸有分店，希望可以食到，好彩去到不算人多，等一會就有位。店舖裝修一如其他分店典雅和特別，之前經過覺得坐下飲吓啤酒食吓串燒都幾過癮，現在終於實現。 我們叫了芥末八爪魚,炸樱花蝦餅,唐揚墨魚咀,燒鷄皮,日本炸豆腐串,威士忌燒蠔，日本鷄肝鷄腎地鷄釜煲仔飯，燒牛粒,燒日本黑豚，三得利白啤。食物來到了，賣相相當唔錯，食物擺盆及餐具都很特別，令我想起食懷石料理時所用的餐具都非常美麗。 至於食物質數樣樣都幾好，尤其炸樱花蝦餅，蝦餅外再有櫻花蝦，好香好好味。另外燒鷄皮也很好食，食完老公話要encore再兩串，呢個皮脆有油香，送啤酒一流😋