哈迪斯 (已結業)

最近網上熱論灣仔哈迪斯就執，於是就去食下就快無得食的滋味。要左個兩件炸雞加薯圈的餐。雖然你可以話哈仔平均每個餐比老麥係貴幾蚊，但佢既野食一定跑贏老麥幾個馬位囉！炸雞依然出色，最鍾意哈仔炸雞唔會將Ｄ雞皮炸到得個油字，而係聞同食落都香，雞肉亦入味，唔會寡或者出現雪味。而我相信，哈仔一旦全線結業，我最ＭＩＳＳ的，一定係佢既炸薯圈。哈仔既炸薯圈，暫時我在香港未搵到一間一樣咁好食既，就算係餐廳扒房都無。如果哈仔臨摺之前，講低整炸薯圈既秘方就好，等我地Ｄ為食精自己整黎憑弔下都好丫。