The Luxe Seafood Bar & Resto (已結業)

今晚我們去咗The Luxe Seafood Bar & Resto喺朗豪坊店食自助晚餐！他們主打嘅生蠔係我們嘅至愛，所以我們第一時間攞咗嚟食，一食第一隻我就有好大嘅滿足感同覺得物超所值，因為真係非常新鮮肥美同非常肉厚！平日嘅我食生蠔一定要加海鮮醬！但今日我嘗試唔加海鮮醬，味道更加鮮甜！其他嘅海鮮有蝦、海螺同青口，蝦嘅肉質好新鮮同彈牙！海螺幾爽口！刺身有三文魚同甜蝦，甜蝦係原隻要自己去殼，味道非常鮮甜！而熟食嘅有廚師即叫即整嘅奄列，奄列嘅蛋好厚身好滑，入面包住火腿同洋蔥，煎香咗洋蔥令到奄列更加香甜！燒牛肉燒得啱啱好，肉質好鮮嫩，而且牛肉味好濃郁！南瓜湯好香濃！芒果糯米飯嘅黑糯米好煙韌！三款生果菠蘿、蜜瓜同西瓜都好甜！總括嚟講雖然食物嘅款式唔係太多，但食物嘅質素可以比美大酒店嘅水準！特別係生蠔，係本人嘅必食推介！