影片
更多
2023-03-27
1349 瀏覽
如果要講香港預約困難嘅餐廳，Chaat都必定入選！訂咗幾個月，終於有機會去試吓！既然難得去到，當然係每款食物都心思思想試吓，選擇Tasting Menu （$998/ppl)就啱晒😊🔸Papadam - 免費嘅餐前小食估唔到呢塊薄薄脆片都幾辣，胡椒味極濃。朋友唔太食得辣，食一啖即刻要飲水。我鍾意食辣，覺得沾上酸甜汁其實幾開胃。🔸Raj Kachori - 印度當地受歡迎嘅冷盤小食賣相精緻，色彩繽紛。炸得酥脆嘅外殼，盛滿薯仔、豆類、酸辣醬嘅餡料，淋上乳酪，層次極之豐富！🔸Baked Samosa - Chaat 嘅signature dish 🤩Samosa係咖喱角嘅意思，亦係印度常見嘅街頭小食。廚師將咖喱角幻化成雪糕筒形狀，入面填滿用香料烹製過嘅大樹菠蘿肉，唔講真係以為食緊手撕豬肉，口感幾可亂真！係我嘅favorite dish! 🔸Tandoori Wagyu Beef Cheek外表看似燒得比較乾，但係一切落去，肉質軟滑呈粉紅色。牛肉以克什米爾辣椒粉及肉桂粉醃過，味道獨特。如果沾上乳酪醬一齊食，creamy 又惹味。🔸Chicken Tikka Masala雞塊用香料同乳酪醃製，煮
既然難得去到，當然係每款食物都心思思想試吓，選擇Tasting Menu （$998/ppl)就啱晒😊
🔸Papadam - 免費嘅餐前小食
估唔到呢塊薄薄脆片都幾辣，胡椒味極濃。朋友唔太食得辣，食一啖即刻要飲水。我鍾意食辣，覺得沾上酸甜汁其實幾開胃。
🔸Raj Kachori - 印度當地受歡迎嘅冷盤小食
賣相精緻，色彩繽紛。炸得酥脆嘅外殼，盛滿薯仔、豆類、酸辣醬嘅餡料，淋上乳酪，層次極之豐富！
🔸Baked Samosa - Chaat 嘅signature dish 🤩
Samosa係咖喱角嘅意思，亦係印度常見嘅街頭小食。廚師將咖喱角幻化成雪糕筒形狀，入面填滿用香料烹製過嘅大樹菠蘿肉，唔講真係以為食緊手撕豬肉，口感幾可亂真！係我嘅favorite dish!
🔸Tandoori Wagyu Beef Cheek
外表看似燒得比較乾，但係一切落去，肉質軟滑呈粉紅色。牛肉以克什米爾辣椒粉及肉桂粉醃過，味道獨特。如果沾上乳酪醬一齊食，creamy 又惹味。
🔸Chicken Tikka Masala
雞塊用香料同乳酪醃製，煮成濃香咖喱，少許辣，屬於溫和嘅咖喱，唔食得辣嘅朋友都食到。濃稠嘅咖喱汁用嚟沾Naan 食就最適合。
🔸Dal Narkel
用多種香料及豆類熬煮成嘅醬汁，通常印度人會喺特別嘅日子先會烹製。我覺得似gravy ，都可以沾Naan一齊食。
🔸Prawn Pulao - 印度鮮蝦仁炒飯
印度嘅香米同我哋食開嘅絲苗米好唔一樣，印度米比較長，而且乾身，唔會黏口。咀嚼嘅時候，陣陣香料嘅味道會緩緩滲出。蝦仁非常新鮮彈牙。
🔸Boondi Raita - 鷹嘴豆脆粒乳酪醬
廚師建議呢一款乳酪醬汁可以混合蝦仁炒飯一齊品嚐，可以提升風味。
🔸Khubani Ka Meetha - 婚禮上的甜品
杏脯乾切成絲，用糖、香料及果仁煮至果醬嘅濃稠度，配上香滑嘅椰子雪糕，甜蜜又美味。
🔸Seasonal Kulfi - 傳統印度雪糕
開心果雪糕，奶味重而且幼滑，伴以甜味米粉、開心果仁和杏仁一齊食，有趣又出奇地滋味。
🔸Coconut Lassi - 椰子奶昔 ($100)
椰子味香濃，飲得出係用新鮮椰漿🥥我本身好鍾意椰子，所以會俾100分！印度菜一般都比較辣，甜嘅飲品就最適合解辣。
飯後感：賣相及味道都令人有耳目一新嘅感覺。如果想試試印度菜，Chaat會係一個好選擇！
Papadam
32 瀏覽
0 讚好
0 留言
Baked Samosa
41 瀏覽
0 讚好
0 留言
Raj Kachori
49 瀏覽
0 讚好
0 留言
Tandoori Wagyu Beef Cheek
32 瀏覽
0 讚好
0 留言
Tandoori Wagyu Beef Cheek
41 瀏覽
0 讚好
0 留言
Dal Narkel
26 瀏覽
0 讚好
0 留言
Coconut Lassi
33 瀏覽
0 讚好
0 留言
Khubani Ka Meetha
72 瀏覽
0 讚好
0 留言
Seasonal Kulfi
63 瀏覽
0 讚好
0 留言
張貼
