星河餐廳

營業中

休息中

前排YouTube有人介紹話依度嘅焗豬扒飯世一，所以黎試下！餐廳係一間比較懷舊小小嘅餐廳，聽得出入邊多數都係街坊黎😂我哋夜晚平日七點幾去到已經全部滿座。咁我哋就叫咗兩個都係焗豬扒飯～一開頭佢會有餐湯再加一舊包。佢冇問我哋飲咩湯不過呢度就係白湯我見隔籬枱有紅湯飲。個白湯不過不失不過個麵包就唔係脆既，但係點落個湯度都OK！焗豬扒飯係冇芝士嘅，因為其實傳統嘅話係冇芝士。但係比我想像中好食！我覺得最好食係佢個豬扒整得勁林又入味！佢個飯係炒飯底黎，最尾我都食晒成個！不過佢真係即刻焗出嚟所以都幾熱下😂然後嘢飲我哋就叫左凍奶茶，係我鍾意嘅濃茶底味道～