影片
更多
2023-07-24
106 瀏覽
15/7/2023Birthday dinner continues 同屋企人食中式嘢，想食片皮鴨，所以揀咗呢間 ‘古琴雅苑‘。 去咗灣仔呢一間分店，另外佢喺銅鑼灣利舞臺同埋尖沙咀都有分店。我地4個人叫咗片皮鴨（半隻）：初時諗住嗌一隻，好彩冇，因為半隻都份量好多。配上哈密瓜青瓜，會有清爽嘅感覺，唔會變到太油膩。但係本身佢個皮都唔算好油膩嗰種。（配料任refill，但係個包鴨嘅皮，如果唔夠就要令外再俾錢）師傅令外片咗幾塊細小的，用另外一隻碟裝起，侍應話呢幾塊係最脆嘅，點糖食。瑤柱蛋白炒飯：炒得乾身，啲飯粒粒分明。雖然個樣好白色，但係都好夠味。小籠包：一籠六件，呢個麻麻哋。個皮太厚，入面完全冇肉汁。雲吞雞湯：因為枱面唔夠位置，侍應喺出邊分咗俾我哋。雲吞雞湯好喝，雲吞數目多。侍應將湯渣（雞）另外用碟上，d雞唔會太肥又唔會太柴，點豉油食很好食另外用openrice book 位送咗個至尊小食拼盤：（menu 內價值$200的）拍青瓜、醉雞、雞絲粉皮等等⋯⋯⋯正常味道。 唯獨係我哋全家人都唔食荀，所以完全冇掂過。賣單七百幾蚊，食物不過不失，主打嘅片皮鴨都還好，未有令人覺得驚艶。環境坐得有少少迫，
Birthday dinner continues
同屋企人食中式嘢，想食片皮鴨，所以揀咗呢間 ‘古琴雅苑‘。 去咗灣仔呢一間分店，另外佢喺銅鑼灣利舞臺同埋尖沙咀都有分店。
我地4個人叫咗
片皮鴨（半隻）：初時諗住嗌一隻，好彩冇，因為半隻都份量好多。配上哈密瓜青瓜，會有清爽嘅感覺，唔會變到太油膩。但係本身佢個皮都唔算好油膩嗰種。（配料任refill，但係個包鴨嘅皮，如果唔夠就要令外再俾錢）師傅令外片咗幾塊細小的，用另外一隻碟裝起，侍應話呢幾塊係最脆嘅，點糖食。
瑤柱蛋白炒飯：炒得乾身，啲飯粒粒分明。雖然個樣好白色，但係都好夠味。
小籠包：一籠六件，呢個麻麻哋。個皮太厚，入面完全冇肉汁。
雲吞雞湯：因為枱面唔夠位置，侍應喺出邊分咗俾我哋。雲吞雞湯好喝，雲吞數目多。侍應將湯渣（雞）另外用碟上，d雞唔會太肥又唔會太柴，點豉油食很好食
另外用openrice book 位送咗個至尊小食拼盤：（menu 內價值$200的）拍青瓜、醉雞、雞絲粉皮等等⋯⋯⋯正常味道。 唯獨係我哋全家人都唔食荀，所以完全冇掂過。
賣單七百幾蚊，食物不過不失，主打嘅片皮鴨都還好，未有令人覺得驚艶。環境坐得有少少迫，唔知係咪樓底有啲矮，所以都幾嘈吵。同埋衛生方面可以改善下，因為一坐低已經見到枱面有蟻、食具都有少少污跡。服務嚟講，上咗年紀嘅女待應服務很好，比較後生的男待應就冇乜記性，有啲甩漏
張貼
