好湯好麵

營業中

休息中

向來湯底都係日式拉麵既強項，估唔到本地都有好出品～之前睇報導知就呢間麵店係由酒店法國菜廚師主理，亦知道經常會大排長龍，今日特登早少少黎食。7點左右去到都有7、8個人排緊隊，餐廳出面亦有標明邊d款既湯麵已經賣晒。今次第一次黎食，目標係試「海龍皇」，另一款熱門「好頭好尾」已經賣晒，下次唯有再早d黎🙈上枱第一件事相機食先～因為碗湯麵隻色真係太搶眼喇😆湯頭飲落去唔駛問已經知係足料煲出黎，蝦蟹殼煲既海鮮味出晒黎，而且唔會死咸，上面仲有層蝦頭油，成個湯底濃而不膩，好好味👍麵底得一種冇得揀，係陽春麵黎，我自己就對呢種麵一般，覺得太易腍同冇口感。餸料方面有兩隻大蝦、一隻蠔、一舊墨魚滑同一堆蟹肉碎。蝦雖然大大隻但雪藏貨色，蝦肉結實不過完全冇鮮味，墨魚滑反而係最好食個樣餸。不得不讚既係，餐廳好貼心咁會俾濕紙巾你剝完蝦用，又會主動添水，唔駛加一服務費但都有好既服務。