PizzaExpress (V City) (已結業)

Item: PizzaExpress (V City)
Rating: 5
Author: franki0911

136 食評

味道

環境

服務

衛生

抵食

2801

屯門

$101-200

意大利菜薄餅無肉餐單

franki0911

等級3

亞女想食芝士pizza，諗住去薩莉亞食，點知去到發現裝修緊，冇得食，亞女就開始發癲，醒起V City有間Pizza Express，反正未試過，拿拿臨走過去先。咩都唔理，見有兒童餐，仲有得揀pizza，即刻叫左先。竟然先上甜品，揀左焗麵包球，因應兒童餐配搭朱古力榛子醬，就係Nutella 嘅味道，麵包球亦灑上糖霜，變成一份超甜嘅頭盤，略嫌唔夠熱，如果唔係更加香，大小姐一個人啪晒成碟，我都唔敢插手。Main 揀左瑪嘉麗塔皇后薄餅，焗製時間掌握得好好，芝士份量好多、焗完果個香氣真係不得了，搭配茄汁好開胃，餅底薄脆。兒童餐本身有一杯果汁，但ending又有一杯迷你cappuccino (無咖啡），其實就係熱朱古力，搭件餅，女話件餅唔好食，我食左，似club橙味朱古力餅嘅味道，其實配搭幾好，唔會太滯。然後就到午餐，其實我都唔知自己揀左啲咩，因為首先點左兩份餐，然後有兩個店員分別話我知某啲菜式售罄，搞到我都亂晒，總之放低我就食啦頭盤類先有焗麵包球，今次係配蒜蓉牛油，講真就食唔到蒜味，但兜牛油超香，成粒麵包球塞落去點，再一啖放晒落口，牛油香同麵包香混和，係欲罷不能嘅味道。再來有青菜沙律，有羅馬生菜

亞女想食芝士pizza，諗住去薩莉亞食，點知去到發現裝修緊，冇得食，亞女就開始發癲，醒起V City有間Pizza Express，反正未試過，拿拿臨走過去先。

咩都唔理，見有兒童餐，仲有得揀pizza，即刻叫左先。

竟然先上甜品，揀左焗麵包球，因應兒童餐配搭朱古力榛子醬，就係Nutella 嘅味道，麵包球亦灑上糖霜，變成一份超甜嘅頭盤，略嫌唔夠熱，如果唔係更加香，大小姐一個人啪晒成碟，我都唔敢插手。

Main 揀左瑪嘉麗塔皇后薄餅，焗製時間掌握得好好，芝士份量好多、焗完果個香氣真係不得了，搭配茄汁好開胃，餅底薄脆。

兒童餐本身有一杯果汁，但ending又有一杯迷你cappuccino (無咖啡），其實就係熱朱古力，搭件餅，女話件餅唔好食，我食左，似club橙味朱古力餅嘅味道，其實配搭幾好，唔會太滯。

然後就到午餐，其實我都唔知自己揀左啲咩，因為首先點左兩份餐，然後有兩個店員分別話我知某啲菜式售罄，搞到我都亂晒，總之放低我就食啦

頭盤類先有焗麵包球，今次係配蒜蓉牛油，講真就食唔到蒜味，但兜牛油超香，成粒麵包球塞落去點，再一啖放晒落口，牛油香同麵包香混和，係欲罷不能嘅味道。

再來有青菜沙律，有羅馬生菜、火箭菜同車厘茄配凱撒醬，好多火箭菜正，但醬太少唔夠撈。

仲有布斯卡達麵包，呢個就唔太好，個包又硬咬唔開，一咬就跌晒啲料，跟本就係包同料分開食。

主菜就叫左一份皇后薄餅，一份卡邦尼忌廉意粉，加多個side dish焗蘑菇，薄餅我冇食，有人話好多料、啖啖肉，茄汁又多又開胃，唔會乾爭爭，睇黎評價唔錯。

卡邦尼意粉，我冇估到佢有煙肉，搞到我又要撩返晒出黎，汁好香濃，份量又多，其實係好食，只係有煙肉扣左佢分。

焗蘑菇好一般，同埋好快就凍晒，好快就出水，建議上枱即食。