鶴亀 (已結業)

喺isquare等睇戲期間， search附近有啲咩好食拉麵，見到呢間食評唔錯，而且已經以櫻花蝦主打。 間舖雖然係地舖，isquare行過去七分鐘左右，但因為轉角位，比較難發現。地方唔係好大，約十來個座位。 一坐下，叫了櫻花蝦沾麵 ，老公就叫咗一個 辛辣拉麵， 兩個麵都係走芽菜，感覺拉麵芽菜係有啲唔搭。老公點餐先專登叫多蔥，又真係俾幾多下。 個樣都排得幾靚， 湯底我覺得唔夠辛辣，濃，但 面質係我鍾意食，比較粗，彈牙。沾麵 我個人覺湯唔夠熱，但櫻花蝦真係好足料，而且唔會死鹹。 叉燒薄身，但有4大塊， 作為係尖沙咀，唔使一百蚊嘅拉麵，我覺得價錢相當ok。煎餃子32蚊有五隻 味道同價錢都ok。總括嚟講呢間小店位置方便， 拉麵質素好，價錢平 ，可以再嚟。