吉野家 (葵涌廣場)

營業中

休息中

星期六，一早起身就走到去葵涌附近嘅中學，因為嗰度舉辦咗聖經朗誦比賽。今次係女女第一次參加比賽啊，所以都好緊張。陪佢朗誦完，之後放鬆晒囉。見佢咁勤力溫書真係好開心呀。咁就諗起葵涌廣場，不嬲都係香港人最鍾意掃街嘅地方。女女仲細仲未識得自己去掃街，等我呢個為食貓帶女女去體驗吓先。點知發現一早掃街嘅舖頭都未開啊。唯有下次啦。但係女女都話好肚餓，點都要食嘢。我問佢吉野家好唔好啦，佢話好鍾意食牛肉飯。所以我哋就早餐食飯啦。