升哥點心 (已結業)

啱啱先食完台灣野，唔夠喉，轉個頭走左去附近的升哥點心飲湯🤣🤣🤣升哥點心的美人湯＄48真係好抵飲㗎。湯料有花膠、響螺、沙參、龍眼肉同雞腳都好足料，所以好甜。點左幾個點心。本來覺得炸蟹鉗有啲貴，要成$19.一隻，仲要兩隻起。雖然係咁，都慶幸自己最後都係有點，因為真係好大隻，好好食，佢的size比一般酒樓嘅蟹鉗大多一倍，啖啖蝦肉，好鮮甜,真係好滿足。鳳爪都ok都入味，不過如果可以再淋啲就更好啦！反而有啲失望😞係蝦餃，個餃皮太厚，口感好一般。