糙米家 (已結業)

原本諗住食北角好出名嘅瑞士雞脾，但係因為係食晏時間，果間餐廳大排長龍，於是我同朋友決定起附近再搵下有咩好食。咁啱發現附近新開咗糙米家，於是決定入去試下。入到去店員幫我地安排坐位，餐廳環境唔錯。落單之後，等咗大概唔夠10分鐘就送齊野食。我叫咗椰香辣汁豬扒糙米飯，原本叫果陣以為係加咗好多椰汁嘅咖哩，但係食咗啖發覺原來唔係，個汁好重椰汁味，加咗好多辣椒，唔似係白咖哩嘅味，辣而不麻，豬扒普通，飯就加咗糙米同紅米，又健康又好食，不過個汁就真係唔係咁啱我胃口。反而見朋友叫嘅蕃茄雞扒飯嘅雞扒超大塊，好吸引，但係佢就覺得係屋企都會食到嘅味，對於鐘意食住家飯嘅人，依個飯就幾適合佢地。