夏雪 (已結業)

第二次幫襯，因為見好人介紹紫薯既waffle，所以忍唔住排隊都要去食。隔左3個月再去，明顯生意好左勁多，排隊既人龍不斷，食野都要食快啲。服務態度依舊都唔錯，多人既情況下，坐既環境當然唔會太舒服，逼啲，但好熱鬧。食物方面，叫左Purple Waffle，Purple Latte同 Ice Cream+Apple Crumble. Purple Waffle既賣相相當成功，睇得出係花左心機去構思，令人忍唔住相機食先。驚喜既係雪糕球係豆腐味而唔係普通既雲尼拿味，waffle方面真系食唔出太多既紫薯味，普通。Purple Latte，一入口就淨係得番薯同少量既牛奶味，同平時飲開既latte相差頗遠，出乎意料中既味道，已經唔係一杯咖啡，建議可以改下個名。Icecream+Apple Crumble，一個味道平衡既dish。apple crumble酸酸甜甜，加上夏雪主打既3.7牛奶雪糕，配搭唔錯，雪糕變左成個甜品既主打，掩蓋左apple crumble。呢個甜品反而係3個甜品裡面最出乎我意料之外既吸引。