影片
更多
2024-12-01
51 瀏覽
係旺角大家一定搵到唔少以台式料理為主既餐廳，但可能佢地所用既食材都唔係黎自台灣～呢間餐廳就唔同佢地係選用新鮮台灣原材料製作，而且餐廳用左開放式設計街用朗豪坊頂部玻璃自然光，夜晚食好有氣氛🤭餐廳設有即製台式飲品供顧客外賣，另外亦有小薯茄打卡位，大家買完杯飲品記住同小薯茄打埋卡先走呀☺️另外餐廳選用台南新派冰糖滷水配方，有多款滷水小食任君選擇🙊而家午市仲做緊$88 set lunch，一個餐有齊一碗麵加兩款主食（可選滷水小食、鹽酥雞等等），另外仲有一款小食加一杯台式飲品🥤真係好抵食～餐廳採用自助形式有部機通知你可以取餐，另外食完都需要自己捧餐去收餐區☺️—————————————————————————————♦️ 蕃茄牛腱烏冬：湯底帶點微辣唔會好酸，而且好足料有鮮甜既蕃茄蓉，表面加配左紫菜食起上黎更有口感，而且紫菜仲好脆🤭牛腱唔臊有種入口即溶感覺♦️ 醉封門柳烏冬：湯底鮮甜唔鹹，配料有滷水蛋、蘿蔔等都幾入味🤭封門柳有淡淡酒香味，肉質鮮嫩可口，份量適中♦️ 滷水金錢肚：秘製滷水汁夠晒香仲好入味，滷水汁滲晒入金錢肚中，而且金錢肚口質好腍，無牙都食到👍🏻♦️ 滷鵝腸：鵝腸長度夠晒長，唔會整到碎濕濕，而且唔
餐廳設有即製台式飲品供顧客外賣，另外亦有小薯茄打卡位，大家買完杯飲品記住同小薯茄打埋卡先走呀☺️另外餐廳選用台南新派冰糖滷水配方，有多款滷水小食任君選擇🙊而家午市仲做緊$88 set lunch，一個餐有齊一碗麵加兩款主食（可選滷水小食、鹽酥雞等等），另外仲有一款小食加一杯台式飲品🥤真係好抵食～餐廳採用自助形式有部機通知你可以取餐，另外食完都需要自己捧餐去收餐區☺️
—————————————————————————————
♦️ 蕃茄牛腱烏冬：湯底帶點微辣唔會好酸，而且好足料有鮮甜既蕃茄蓉，表面加配左紫菜食起上黎更有口感，而且紫菜仲好脆🤭牛腱唔臊有種入口即溶感覺
♦️ 醉封門柳烏冬：湯底鮮甜唔鹹，配料有滷水蛋、蘿蔔等都幾入味🤭封門柳有淡淡酒香味，肉質鮮嫩可口，份量適中
♦️ 滷水金錢肚：秘製滷水汁夠晒香仲好入味，滷水汁滲晒入金錢肚中，而且金錢肚口質好腍，無牙都食到👍🏻
♦️ 滷鵝腸：鵝腸長度夠晒長，唔會整到碎濕濕，而且唔會好難咬開🙊
♦️台式粗薯條：個人推薦💖薯條新鮮即炸，香脆可口而且夠晒大條😍入面好足料有好多薯仔蓉，咬落亦唔覺好油膩
♦️炸花枝丸：口感層次豐富，炸得好香，入面有唔少花枝肉，好味😋
♦️單骨雞翼🍗：絕對推薦比食得辣既朋友，店主好貼心幫大家剪開變單骨，雞翼炸到外脆內軟，炸皮厚度適中，雞翼夠晒辣而且好惹味仲好多肉汁
♦️芒果茶凍🍧：仙草超嫩滑而且甜度岩岩好，入面好足料有好多寒天、椰果同仙草，而且芒果味一啲都唔假，份量都幾多可以同人share都得👍🏻
♦️黑糖珍珠奶茶🧋(5分甜)：我個人覺得下次可以再揀少啲糖，黑糖味道同茶底好夾，珍珠size岩岩好細細粒易咬啲
♦️葡萄柚綠茶(7分甜)：佢可以比你揀茶底有鐵觀音同綠茶，今次揀左綠茶底，葡萄柚同綠茶既配搭好清新，甜度都適中💖就算唔堂食都可以買番杯飲
評分🖍️(滿分為5個🌕)
抵食指數：🌕🌕🌕🌗🌑
服務質素：🌕🌕🌕🌕🌕
環境：🌕🌕🌕🌕🌕
味道：🌕🌕🌕🌗🌑
📍 倆仨杯x小薯茄主題店 (旺角)
旺角亞皆老街8號朗豪坊12樓01號舖
張貼
