Homeland (牡丹大廈) (已搬遷) 新店位置

今晚泥到大角咀主打食手工意粉既黃店cafe，係網上一直人氣度好高，今晚慕名而來大概8:00入座，餐廳裝修幾色彩繽紛，環境幾好，座位較闊落。我哋點左啤酒釀全雞，呢個真心有驚喜，推薦大家必點，二至三人share剛剛好。由於即叫即燒，製作需時，餐廳保證新鮮原汁原味。全雞賣相驚艷，上菜香味濃郁，新鮮熱辣。店員都好細心已準備手套讓你慢慢品嚐，燒得火候剛剛好，做到皮外脆內質超嫩滑，充滿啖啖肉汁，令人食完一口接一口。另外點了冬陰功海鮮手工闊面，麵條由於手工製作，煙煙韌韌，十分彈牙，有口感。配埋糜爛嘅冬陰功醬突出海鮮嘅鮮味，見每枱都必點。淨係呢兩樣都已經食得很滿足，好飽，推介要試試！