影片
更多
2017-11-26
187 瀏覽
另一半剛剛由沖繩返嚟，同佢洗塵梗係首選食辣嘢，本身訂左同一條街同一集團嘅十二味貴陽牛肉粉，點知經過呢間舖，佢想食打邊爐，於是猶豫左兩秒就入左去喇。星期日6點冇訂位都仲僅僅有位，限時90分鐘。店員安排我地去一間有張大圓檯嘅房，之後有人搭檯都唔會迫。開始點菜，呢度係用iPad 落單，食物都會喺5分鐘後送上，非常有效率👍🏻呢間店主打牛肉，提供不同嘅牛肉，有一系列更列為罕有系列！聽都未聽過嘅名。餐紙上印有不同部位嘅名稱，而且有教你淥幾耐添。講下佢嘅食物，首先湯底⋯以為係十二味系列，麻辣湯應該唔錯，點知係唔辣唔麻嘅。係後尾條菜吸晒啲湯先覺辣。至於牛肉，我地點左下面幾種匙柄，佢屬於瘦啲嘅肉，肉味幾香，肉質並不算好特別。牛駝峰！位於牛背隻，睇個樣都知係較上面嗰種肥少少，肉質腍而不會太油牛朴肉，唔知係咪似豬頸肉嘅位，睇到白色嘅都係肥膏，熟左之後好騷呀像我另一半怕油嘅就都係唔好叫呢種喇牛舌，切得夠薄，快熟，淥起又爽口牛心掟，本身係冇乜味嘅，食佢嘅口感姐，爽爽脆脆咁。毛肚，唔知係切嘅方法定之前處理過，呢度啲毛肚淥完好爽口，唔會似成塊嗰種咁硬總括嚟講呢間嘅牛真係唔錯，多數都係$48一碟，仲有烏冬生菜啤酒豆漿
星期日6點冇訂位都仲僅僅有位，限時90分鐘。店員安排我地去一間有張大圓檯嘅房，之後有人搭檯都唔會迫。
開始點菜，呢度係用iPad 落單，食物都會喺5分鐘後送上，非常有效率👍🏻呢間店主打牛肉，提供不同嘅牛肉，有一系列更列為罕有系列！聽都未聽過嘅名。餐紙上印有不同部位嘅名稱，而且有教你淥幾耐添。
講下佢嘅食物，首先湯底⋯以為係十二味系列，麻辣湯應該唔錯，點知係唔辣唔麻嘅。係後尾條菜吸晒啲湯先覺辣。至於牛肉，我地點左下面幾種
匙柄，佢屬於瘦啲嘅肉，肉味幾香，肉質並不算好特別。
牛駝峰！位於牛背隻，睇個樣都知係較上面嗰種肥少少，肉質腍而不會太油
牛朴肉，唔知係咪似豬頸肉嘅位，睇到白色嘅都係肥膏，熟左之後好騷呀像我另一半怕油嘅就都係唔好叫呢種喇
牛舌，切得夠薄，快熟，淥起又爽口
牛心掟，本身係冇乜味嘅，食佢嘅口感姐，爽爽脆脆咁。
毛肚，唔知係切嘅方法定之前處理過，呢度啲毛肚淥完好爽口，唔會似成塊嗰種咁硬
總括嚟講呢間嘅牛真係唔錯，多數都係$48一碟，仲有烏冬生菜啤酒豆漿冇post，兩人食左$460，算幾抵食呀👍🏻
張貼
