茜麵(西口西麵)

營業中

休息中

今日忽然間諗起🔸茜麵🔸就即刻打電話去問吓仲有無得叫外賣, 好好彩可以留2 碗比我地, 去到現場再慢慢揀湯底同配菜。🥢 蒜香花甲湯配粉絲有12 隻蜆, 完全無沙, 好鮮甜, d 肉都脹卜卜架。湯底除咗有花甲嘅鮮甜味, 仲有大量蒜茸, 好惹味, 不過唔會覺得鹹。粉絲軟硬適中, 吸收曬d 湯顯得更入味。配料仲有生菜, 豆卜, 金菇。我另外加咗魚蛋, 細細粒, 不過好香魚肉味, 同花甲湯好配襯。🍢 炸花枝丸老闆好貼心, 擔心用紙盒裝會焗到淋曬, 所以用吸油紙幫我地包住。花枝丸炸得好香脆, 好好食。💭 整體食物都好好食, 不過唔容易買到架, 想食就要早少少打電話留定喇。