Cabin Crew Coffee by Holly Brown (已結業)

呢間餐廳dinner set係一個主菜加嘢飲再加雪糕任食價錢大約200中, 主菜叫咗菠菜芝士意大利餃配番茄醬, 圖片同實物差距好大, 蕃茄醬調味不佳, 意大利餃味道似係急凍食物翻熱, 整體非常難食, 份量太少, 5分鐘就食完&完全唔夠飽, 小食最平嘅薯條都要70, 眼見咁樣嘅份量&食物質素我都費事再加嘢…… 然後食雪糕, 味道太甜唔好食, 而且由於主菜份量太少, 食咗少少雪糕之後就覺得胃非常凍, 最後無叫太多…… 其他方面例如餐飲/環境/員工服務態度都無問題, 主要係主菜太差, 好心唔好做咩雪糕任食整返啲正常食物, 對比之下就算食普通連鎖快餐/茶餐廳/街坊小店嘅西式食物都冇咁差, 食完過咗幾日之後都非常嬲, 唔推薦大家去