Aqua (已搬遷) 新店位置

一直都有聽過Aqua個景色好靚，咁啱係香港餐廳週，就約埋一班朋友去試一試個lunch menu。一開始送左個三文魚臉豬dun嘅小菜俾我地，我地都有啲驚喜（其實每枱都有），酸酸地加埋啲海草幾開胃。我頭盤就叫左個薄切油甘魚伴三文治魚籽及酸汁水晶，不過不失，油甘魚幾新鮮。另外主菜叫咗意大利辣蕃茄醬通粉配黑水欖及羊奶芝士，非常普通，賣相亦無特別，有啲失望。甜品就叫咗塔雷吉歐乳酪配巴馬臣芝士伴自家製甜酸醬。甜酸醬其實係蜜糖，配搭芝士非常合適，三樣入面比較出色。最不滿既係餐廳冷氣非常唔夠，一坐低，個太陽曬住我地個位，熱到爆，食到一半已經出汗，好似係溫室入面食嘢咁。我地快快手食完就走了。整體嚟講，呢度比較適合夜晚同另一半黎，享受一下浪費氣氛。對食物質素就唔好咁高要求啦。