南燒北鍋 (已搬遷) 新店位置

今天下午茶突然想食燒味，未試過這間，一心去試吓。我朋友於2時30分到達，不久，他見到侍應不讓其他人進入店舖，他即時致電給我，叫我盡快來，我便一邊講電話一邊跑入去啦。我入門口，個侍應無阻止我，行了大約三、四步，有個疑似經理的人即刻鬧個侍應為何不阻止我，我話已經有人到了，便即刻坐低。原來店舖要換爐，把桌上之爐抽起，再更換，所以要阻止客人進入才能進行。（開業不是太久，咁快要換爐？？？）我沒有吃午餐，所以要食多些，結果叫了兩個迷你飯下午茶。食物：-迷你叉燒飯：我朋友話好食過大家樂，但啲肉有榨。我就覺得普通，無特別。迷你四寶飯（燻蹄、墨魚、紅腸、半個鹹蛋）：我朋友覺得普通，無特別。我覺得個鹹蛋好好食，唔似其他店舖只得個鹹字，無咗鴨蛋的香味，其他食物普通，無特別。熱奶茶：我們兩個都認為夠濃，夠滑，好飲。對於我們幾乎每天都飲奶茶、咖啡的人，便很好。但如果你是一星期才飲一次的人，我奉勸你唔好飲，免得你接受唔到。服務：-個個人都埋頭苦幹換爐，無人理會我們（除了極速落單及食完時收嘢外），所以唔知道。整體上，都OK。為了杯奶茶，我會考慮再惠顧。