影片
更多
2010-12-13
63 瀏覽
是日响海水公園暢遊左一整日，天已漆黑，肚子不餓，但有點倦意，想揾d 輕鬆地方 hea 下。由金鐘步行到灣仔，毫無準備、漫無目的下走過大街、小巷，並無揾到合適既地方。最終走到廈門街，一條平日並不起眼既小橫街，裡面竟有一間港式小酒吧、一家西餐廳、一間散發濃濃機油氣味既機械舖、還有引起我注意既穌棧。望著穌棧門口新束既裝潢，心裡竟有點豫疑，再查看豎立既餐牌，檢視過頗為豐富既食物種類及類別，於是鼓起無畏精神走出第一步。穌棧進餐位置狹長，由門口擺放大約6張餐枱直至後門位置。門口左邊係一個水吧，全店以白色及光亮為主，帶出簡約及新派既主流，與傳統泰式裝修、掛著泰皇及四面佛既景象截然不同。另外，有一道黑色牆壁，恰如學校課室黑板，黑牆上用彩色粉筆手繪上聖誕樹以及穌棧推介既咖啡及簡單午餐組合。店內只有一名泰國恃應小姐負責樓面工作，如其他响香港工作既泰國朋友，她能操流利廣東話，聽聽她温柔既推介，一定會令您更加了解有關菜式同揾到適合個人既口味。 椰青：什麼也不要，先要兩個椰青清熱同解解渴。用三個 "夠" 黎形容椰青絕對出色既水平一定無錯：夠 凍夠 甜夠 香原以為晌泰國先可以飲到咁好質素既椰青，而家香港都可以有喇
望著穌棧門口新束既裝潢，心裡竟有點豫疑，再查看豎立既餐牌，檢視過頗為豐富既食物種類及類別，於是鼓起無畏精神走出第一步。
穌棧進餐位置狹長，由門口擺放大約6張餐枱直至後門位置。門口左邊係一個水吧，全店以白色及光亮為主，帶出簡約及新派既主流，與傳統泰式裝修、掛著泰皇及四面佛既景象截然不同。另外，有一道黑色牆壁，恰如學校課室黑板，黑牆上用彩色粉筆手繪上聖誕樹以及穌棧推介既咖啡及簡單午餐組合。
店內只有一名泰國恃應小姐負責樓面工作，如其他响香港工作既泰國朋友，她能操流利廣東話，聽聽她温柔既推介，一定會令您更加了解有關菜式同揾到適合個人既口味。
椰青：
什麼也不要，先要兩個椰青清熱同解解渴。用三個 "夠" 黎形容椰青絕對出色既水平一定無錯：
夠 凍
夠 甜
夠 香
原以為晌泰國先可以飲到咁好質素既椰青，而家香港都可以有喇！
芒果炸塘虱魚沙律：
餐牌有唔少非常吸引既沙律可供選擇，例如青木瓜沙律、柚子沙律等。而市面上少有供應既塘虱魚就被我地選中左。
芒果係用左青芒果切絲，加上花生、乾葱絲、葱、辣椒碎、香葉及自製泰色醬汁拌成，辣度中上，食味辛香帶酸甜，十足地道泰式風味，正！而主角炸塘虱魚，遠看似一團海綿球，入口鬆化，但就完全無魚肉質感，原來烹調時厨師先將魚肉琢碎後再炸。恃應小姐解釋佢地係用上100% 純魚肉，沒有任何添加，而外面大部份餐廳因為未掌握有關技巧，所以必會將魚肉混上其他炸粉或麵粉等同炸，至於穌棧厨師既炸功就係一個 Secret。自己雖然較喜歡有質感既魚肉，但對此獨特既煮功亦頗欣賞，喜歡食炸物既朋友，不坊嘗試下呢個 Secret。
炸蝦餅：
蝦餅外皮係佔上簿簿既麵包糠，首先與厚皮說聲 Bye Bye，加分！蝦肉彈牙兼蝦味濃郁，我選擇全程唔沾酸甜醬，齋欣賞其純蝦鮮味，足以滿足口慾。
帶子沙律：
餐廳每晚會提供 Today's Special，當晚有烏頭魚同帶子沙律。本應帶子沙律份量為一碟為6隻，但肚子此時已填得8成滿飽，又要預留空間予其他已點既菜，但為食既我偏偏又忍唔住眼前美食，唯有開聲要求侍應小姐幫忙做兩隻遷就一下。
每隻帶子用生菜包裹，加上大量薑絲、蒜蓉、乾葱碎、辣椒碎及香葉等拌上醬汁而成。一手執著生菜，慢慢將整個帶子吞噬。只有8成熟既帶子肉質鮮嫩，但略嚴薑絲加上辣椒碎令食味有點過度辛辣，失卻其他食味，有點可惜！
芽菜炒鹹豬肉：
餐牌上亦有不少吸引既菜款，但想要一點另類新嘗試。一睇到鹹豬肉即諗起 JJ's Market 對面 "柯多哥" 街市既炸鹹豬肉，香脆外皮加上勁辣野味醬汁，頓時胃液劇增。
整體食味順和，芽菜熟度炒得剛好，軟中帶爽，但鹹豬肉卻全部煮透了，沒半點保留脆口。若可保留一點香脆相信會應會更加滋味。
千層糕：
係是晚推介甜品之一，沒有想像得到既意外驚喜！千層糕質地軟滑又富彈性，面上佈上椰漿，口感豐富，加上微温，倍覺新鮮，雖然肚皮已漲得快要爆開，但不消5分鐘，全碟已被清除。
穌棧應可算係响香港小數經營新一代泰菜既餐廳。細緻既食味及做功均有別於舊一批泰國餐廳，加上注重挑選新鮮食材，與客人溝通及環境設計，收費則較集團式經營略平。期待下一次穌棧帶給我味蕾既新刺激，包括湯及主菜，還有咖啡等。
時代既變遷，慢慢演變出另一類既選擇，相信亦會帶動另一種泰式潮流，食客們有福了。
張貼
