影片
更多
2024-12-07
84 瀏覽
《丼道 - 上水》上水其實都幾多嘢行，買化妝品護膚品要平嘅話一定會過嚟上水藥房買🤭行完街，梗係要搵地方醫肚啦，行過上水廣場有一間食丼飯嘅餐廳，餐廳裝修風格都幾文青，簡約嘅木設計令人坐得好舒服，我同媽咪坐咗喺靠窗嘅卡位，由於兩個人都係口痕想食少少嘢，所以我哋叫咗一個丼飯再加甜品，再叫左兩杯飲品，作為下午茶剛剛好呀💁🏻♀️火炙三色丼 $156 + $38升級套餐我哋將個丼飯加$38升級做套餐，入面包埋前菜同飲品，前菜小食有沙律同埋自選一款小食，我哋就揀咗三文魚刺身，而飲品方面，媽咪揀咗芒果蒟蒻多多沙冰三色丼入面有左口魚、三文魚刺身同埋蒲燒鰻魚，三款都係油分比較多嘅魚生，食落好肥美👍🏻壽司飯帶微微醋酸，食落好開胃，普遍嚟講啲魚生都幾新鮮，套餐入面有埋沙律同麵豉湯，兩個人都夠食啊💁🏻♀️Tiramisu 北海道3.6牛乳雪糕芭菲 $68其實本來都係想食甜品為主，不過見佢啲丼飯好似幾出色，所以都留咗位先埋😆 Tiramisu帶有酒味，不過唔算太濃郁，配埋吉士醬同埋朱古力粉個味道都唔會太甜，反而有陣蛋香味🥰一杯嘅份量都幾大㗎💁🏻♀️3.6牛乳軟雪糕凍咖啡 $34平時都係意式雪糕配黑咖啡，呢度用牛奶
上水其實都幾多嘢行，買化妝品護膚品要平嘅話一定會過嚟上水藥房買🤭行完街，梗係要搵地方醫肚啦，行過上水廣場有一間食丼飯嘅餐廳，餐廳裝修風格都幾文青，簡約嘅木設計令人坐得好舒服，我同媽咪坐咗喺靠窗嘅卡位，由於兩個人都係口痕想食少少嘢，所以我哋叫咗一個丼飯再加甜品，再叫左兩杯飲品，作為下午茶剛剛好呀
💁🏻♀️火炙三色丼 $156 + $38升級套餐
我哋將個丼飯加$38升級做套餐，入面包埋前菜同飲品，前菜小食有沙律同埋自選一款小食，我哋就揀咗三文魚刺身，而飲品方面，媽咪揀咗芒果蒟蒻多多沙冰
三色丼入面有左口魚、三文魚刺身同埋蒲燒鰻魚，三款都係油分比較多嘅魚生，食落好肥美👍🏻
壽司飯帶微微醋酸，食落好開胃，普遍嚟講啲魚生都幾新鮮，套餐入面有埋沙律同麵豉湯，兩個人都夠食啊💁🏻♀️Tiramisu 北海道3.6牛乳雪糕芭菲 $68
其實本來都係想食甜品為主，不過見佢啲丼飯好似幾出色，所以都留咗位先埋😆 Tiramisu帶有酒味，不過唔算太濃郁，配埋吉士醬同埋朱古力粉個味道都唔會太甜，反而有陣蛋香味🥰一杯嘅份量都幾大㗎
💁🏻♀️3.6牛乳軟雪糕凍咖啡 $34
平時都係意式雪糕配黑咖啡，呢度用牛奶軟雪糕去配搭，牛奶雪糕都幾香滑，入口奶味重，配上無糖黑咖啡解膩之餘仲取代咗牛奶嘅角色，攪勻咗之後相比起牛奶咖啡嘅味道更加香滑味濃
張貼
