影片
更多
2021-08-05
902 瀏覽
之前一直都有聽過依間人氣漢堡，難得有機會嚟到葵興，即刻諗住要試下。不過講真地點就唔係好就腳，距離地鐵站有段距離，但為左食好野係值得嘅。1點左右嚟到已經見到好多人喺門口排隊，原來大部分都係等緊外賣，果然魅力不可小覷。餐廳裡面環境唔大，堂食嘅話都要等下，我今次嚟都係打算買外賣。見佢餐牌選擇好多款，有各式各樣漢堡可以揀，而且豬牛雞仲可以自由更換配搭，睇落樣樣都吸引。我今次就揀咗芝士牛堡($33)，加$15可以加配套餐有小食同飲品，不過可惜薯塊無晒，所以最後都係揀咗薯條。依個價錢可以食到個漢堡餐都幾唔錯，算係平民價。本身諗住外賣應該唔會等好耐，點知係我低估咗，佢實在太多單，我最後企出面等咗40分鐘左右先攞到野食，真係有啲誇張。食物方面，漢堡分量都唔細，裡面有芝士、牛肉、番茄、生菜，睇落都覺得吸引。佢嘅牛肉都幾厚身，而且食落多汁，再夾埋生菜同番茄好fresh，口感亦夠晒豐富，同連鎖快餐店真係無得比。薯條分量都多，不過可能因為外賣攞到翻去已經無咁好味，同埋本身調味都唔係好多，變相我覺得唔係好夠味，要靠點茄汁，我下次會想食薯塊多啲。但整體嚟講，依個價錢同食物質素我覺得性價比高，食完終於明白點解咁多人
1點左右嚟到已經見到好多人喺門口排隊，原來大部分都係等緊外賣，果然魅力不可小覷。餐廳裡面環境唔大，堂食嘅話都要等下，我今次嚟都係打算買外賣。
見佢餐牌選擇好多款，有各式各樣漢堡可以揀，而且豬牛雞仲可以自由更換配搭，睇落樣樣都吸引。我今次就揀咗芝士牛堡($33)，加$15可以加配套餐有小食同飲品，不過可惜薯塊無晒，所以最後都係揀咗薯條。依個價錢可以食到個漢堡餐都幾唔錯，算係平民價。
本身諗住外賣應該唔會等好耐，點知係我低估咗，佢實在太多單，我最後企出面等咗40分鐘左右先攞到野食，真係有啲誇張。
食物方面，漢堡分量都唔細，裡面有芝士、牛肉、番茄、生菜，睇落都覺得吸引。佢嘅牛肉都幾厚身，而且食落多汁，再夾埋生菜同番茄好fresh，口感亦夠晒豐富，同連鎖快餐店真係無得比。
薯條分量都多，不過可能因為外賣攞到翻去已經無咁好味，同埋本身調味都唔係好多，變相我覺得唔係好夠味，要靠點茄汁，我下次會想食薯塊多啲。
但整體嚟講，依個價錢同食物質素我覺得性價比高，食完終於明白點解咁多人幫襯，如果下次有機會嚟附近嘅話，會再嚟食，畢竟佢漢堡選擇太多，好多都想試！
張貼
