南小館Plus (已結業)

同朋友一齊晚餐，再次選擇咗呢間上海嘢，食到好滿足咁離開。呢個健康炒飯足料，有唔同嘅蔬菜增加口感，又有好健康嘅紅米，味道清清地，唔錯。次次食都會叫嘅老干媽茄子炒年糕，鍾意食老干媽同埋年糕都好煙韌。小籠包好好味，啲汁好鮮甜，熱辣辣咁放入口啲汁流入口，好正！第一次食椒鹽豬手，外皮好脆，好入味，下次可以再食。蘿蔔千絲酥好鬆化，個餡好有蘿蔔嘅香味。