影片
更多
2024-08-06
890 瀏覽
餐廳：Cozy Coffee (大圍)地址：大圍積福街64-66號地下C號舖呢間喺大圍開咗4-5年嘅文青Cafe，以小白屋同兩層嘅設計風格吸引咗唔少人過嚟食飯聚腳、打卡chill吓📸，一個Cozy嘅咖啡氣氛，絕對唔少得飲返杯令人feel cozy嘅咖啡☕️，而且佢哋仲喺Pet friendly Cafe🐶Cafe下層以Bar枱為主，座位對外可以望到餐廳外嘅街景🏙️，而我今次就坐咗喺一樓嘅座位，相對比較有私隱度適合傾偈💬值得一提嘅喺Cozy Coffee仲兼顧起社會企業嘅責任💪，每賣出一杯飲品就會捐$1比本地嘅NGO去幫助有需要嘅弱勢社群，希望為社區出一分力🏘️✝️甜椒醬焗鹿兒島豬腩 $188期間限定嘅主食，原本諗住叫美國西冷不過已經賣晒，有用咗黃薑粉醃製嘅西蘭花墊底，側邊仲有啲伴菜🥕，三大舊厚肉嘅豬腩香口得嚟充滿豚肉香，肥膏層帶嚟陣陣脂香，不過就略為有少少乾身，面頭仲有三片煙燻過嘅腸，整體都算惹味👍✝️卡邦尼扁意粉 $120用咗cream、蛋黃同巴馬臣芝士去調配卡邦尼醬汁，雖然個人鍾意傳統唔落忌廉嘅Carbonara多啲，但慶幸嘅喺呢度嘅卡邦尼扁意粉食完都唔會太膩😌，加咗都幾多嘅煙肉碎帶嚟鹹香滋
地址：大圍積福街64-66號地下C號舖
呢間喺大圍開咗4-5年嘅文青Cafe，以小白屋同兩層嘅設計風格吸引咗唔少人過嚟食飯聚腳、打卡chill吓📸，一個Cozy嘅咖啡氣氛，絕對唔少得飲返杯令人feel cozy嘅咖啡☕️，而且佢哋仲喺Pet friendly Cafe🐶
Cafe下層以Bar枱為主，座位對外可以望到餐廳外嘅街景🏙️，
而我今次就坐咗喺一樓嘅座位，相對比較有私隱度適合傾偈💬
值得一提嘅喺Cozy Coffee仲兼顧起社會企業嘅責任💪，每賣出一杯飲品就會捐$1比本地嘅NGO去幫助有需要嘅弱勢社群，希望為社區出一分力🏘️
✝️甜椒醬焗鹿兒島豬腩 $188
期間限定嘅主食，原本諗住叫美國西冷不過已經賣晒，有用咗黃薑粉醃製嘅西蘭花墊底，側邊仲有啲伴菜🥕，
三大舊厚肉嘅豬腩香口得嚟充滿豚肉香，肥膏層帶嚟陣陣脂香，不過就略為有少少乾身，面頭仲有三片煙燻過嘅腸，整體都算惹味👍
✝️卡邦尼扁意粉 $120
用咗cream、蛋黃同巴馬臣芝士去調配卡邦尼醬汁，雖然個人鍾意傳統唔落忌廉嘅Carbonara多啲，
但慶幸嘅喺呢度嘅卡邦尼扁意粉食完都唔會太膩😌，加咗都幾多嘅煙肉碎帶嚟鹹香滋味，如果能夠整到有焦脆口感嘅話，口感對比就會更加突出同吸引😎
✝️自家製黑芝麻巴斯克蛋糕 $62
限量供應嘅自家製蛋糕🍰，最欣賞嘅喺佢做到面層同底層有芝士蛋糕嘅實在感，而中層喺軟心芝士層，加上黑芝麻同芝士兩種味道幾balance，一啲都唔溜，配埋咖啡一流😆，不過如果可以整多啲唔同口味就好🤪
嗌任何主食可以轉套餐，所有飲品就享有$10折扣優惠，
分別叫咗杯紫薯燕麥鮮奶(+$40)同Latte(+$32)，兩杯都有靚靚嘅拉花相當吸睛😍。Cafe嘅Houseblend mix豆——"Harmony"，混合咗巴西🇧🇷、依索比亞🇪🇹同哥倫比亞🇨🇴三款豆，令每一杯咖啡都帶嚟既有層次又夠醇厚嘅香氣😎
張貼
