一品刀削麵 (已結業)

我哋一家超過兩、三年無嚟食啦，忽然又想起佢「刀削麵」。小老闆細時已成日幫襯，佢最鍾意食冷刀削麵，今日佢都唔例外，佢話要重溫兒時味道。我哋就分別叫左豬扒刀削麵同豬軟骨刀削麵再加一份炸韭菜餃。先講豬扒刀削麵，豬扒應該係一早炸定，入口已經唔熱唔脆而刀削麵麵質較林，唔彈口，湯底就同以往一樣好味，但就唔會食左口乾。豬軟骨就炆得好林，好入味。冷刀削麵就有青瓜絲、牛展絲加入一啲沙律醬同一些疑似泰式辣醬拌埋一齊食，這款麵真係夏天嘅首選。炸韭菜餃就不過不失，因為佢哋嘅餃子雲吞本身已經幾好食而重點就係佢哋嘅自家制嘅麻辣，每次嚟食都必定要加寫之前睇左其他人對佢哋嘅食評，大多數都係負評 真心講，食物真係大不如前，而服務就一如以往吧！