許留山 (已結業)

請完朋友食飯，佢好客氣話要請返我食甜品！我好鍾意食甜品！攪到我幾開心呀！睇見 Menu，其實許留山啲甜品都唔平！好多都要 $30 以上！仲要係 made of 生果！我食少少甜品已經好滿足，唔使食大大兜嘅棉花冰。椰汁紅豆糕 ( $10 ) 係我嘅選擇，好似椰汁砵仔糕，有久違了的味道！有些紅豆如大豆般「大」粒！跟椰汁砵仔糕不同之處只係無咗砵仔糕果種少少黏嘅感覺！水蜜桃流心 ( $15 ) 係朋友嘅選擇。( 詳細食評，請見早幾日(灣仔)許留山個食評！) 其實係我嘅推介！我俾部手機佢睇我最近影嘅食物相，佢話水蜜桃流心個樣好吸引！一於要試吓！朋友請我食甜品，仲多謝返我慳佢個銀包喎！