峰壽司 (已結業)

無幫襯峰壽司都有幾年，今日心血來潮突然想去食，今次去左位於屯門西鐵站Vcity的分店，已經開左一段時間，裝修已開始有d舊化，店內轉用左自己按機自助落單，但部機set得太高，我朋友173cm高也覺得比較難按，我依d小矮人就更加按唔到。食物方面，叫左赤貝，甜蝦，海膽，蟹羔醬，費城卷，辛辣龍之卷，明太子蟹柳，軟殼蟹卷，蝦天婦羅卷同炸蠔，用列車形式送餐都算幾快，1分鐘至3分鐘食物就到。首先講下辛辣龍之卷，個人覺得一d都唔辣，賣相吸引，旁邊有醬汁及栗米片配襯，幾特別，另外軟殼蟹卷，蝦天婦羅卷，內裡的炸物都好脆，上菜時仲熱，其他壽司都幾新鮮，無乜雪味，料大飯細，唔會好快就比飯填飽，最後來的炸蠔都幾大隻，味道幾鮮味，不過得兩隻，份量就少d。