影片
更多
2016-02-01
420 瀏覽
久違了的老蘭舒適餐廳小聚 common room工作接觸多了酒類，應酬多了，從前夜夜生歌嘅生活已經消失左好多年，已經唔係好多人可以叫得到我出去夜生活。剛巧遇着一個移民左多年嘅朋友返咗嚟香港，太多年冇見自然想起從前嘅日子，我們就係喺蘭桂坊附近工作而認識，還記得嗰陣時收工就會去飲杯野！講東講西，一個愉快嘅晚上就係咁樣過啦！今次佢係從外國返嚟香港相約嘅依然都係蘭桂坊，改變嘅就係時間嘅變遷，大家都已經成熟了！所以已經唔會好似以前咁隨便飲酒，現在嘅都只會係淺嘗！談談呢幾年嘅生活！嚟到和安里嘅common room , 環境清靜，優美舒適，燈光柔和！絕對係談心嘅好地方！今次難得有機會同埋另外幾個當年嘅好朋友相聚！先點左覺得食紅菜頭藍苺特飲！當我興高采烈要飲酒嘅時候先至發現原來當中兩位朋友已經不少人戒咗酒啦 ！好彩呢個特飲可以變成無酒精，大家就可以投其所好，各自各精彩！紅菜頭藍莓特飲十分清新，帶點點酒味，很易入口而且即叫即搾汁，十分健康！摸下酒杯底又開始暢談往事！當然又點少得小食呢！Portobello Mushroom Sliders龍葵菇小堡一客三件以龍葵菇作主打的小漢堡，加入瑞士Gruyèr
久違了的老蘭舒適餐廳小聚 common room
工作接觸多了酒類，應酬多了，從前夜夜生歌嘅生活已經消失左好多年，已經唔係好多人可以叫得到我出去夜生活。
剛巧遇着一個移民左多年嘅朋友返咗嚟香港，太多年冇見自然想起從前嘅日子，我們就係喺蘭桂坊附近工作而認識，還記得嗰陣時收工就會去飲杯野！講東講西，一個愉快嘅晚上就係咁樣過啦！
今次佢係從外國返嚟香港相約嘅依然都係蘭桂坊，改變嘅就係時間嘅變遷，大家都已經成熟了！所以已經唔會好似以前咁隨便飲酒，現在嘅都只會係淺嘗！談談呢幾年嘅生活！
嚟到和安里嘅common room , 環境清靜，優美舒適，燈光柔和！絕對係談心嘅好地方！今次難得有機會同埋另外幾個當年嘅好朋友相聚！
先點左覺得食紅菜頭藍苺特飲！當我興高采烈要飲酒嘅時候先至發現原來當中兩位朋友已經不少人戒咗酒啦 ！好彩呢個特飲可以變成無酒精，大家就可以投其所好，各自各精彩！紅菜頭藍莓特飲十分清新，帶點點酒味，很易入口而且即叫即搾汁，十分健康！摸下酒杯底又開始暢談往事！當然又點少得小食呢！
Portobello Mushroom Sliders龍葵菇小堡
一客三件以龍葵菇作主打的小漢堡，加入瑞士Gruyère芝士、焦糖洋蔥及牛油果, 估唔到呢個龍葵菇嘅質感，好有肉嘅感覺，而且十分juicy ~ 麵包香脆配合濃郁嘅芝士，和軟柔啲牛油果醬，少了牛肉漢堡嘅罪惡感！
Baby Back Pork Rib 豬仔骨煙熏味香濃嘅豬仔骨肉質鮮嫩配上嘢味嘅燒烤醬，剛才嘅清新口感立即換成濃郁的煙燻肉香！特別叫講嘅係佢嘅燒烤醬雖然濃郁但係唔會蓋過豬仔骨肉嘅煙燻味道。兩者配搭剛好！
我最鍾意就係飲住酒食Tapas ~ 大家你一口我一件，令我回想起以前去飲野之前，會響麥當勞都叫個套餐然之後你一口我一口的快樂，十年又過去，大家都已經唔再係少女，現在可能會因為人哋嘅目光，已經好難再五六個人柴娃娃去叫一個麥當勞餐。所以一間可以叫Tapas 嘅餐廳已經足夠我地重遇那動人過去！
classic Mac & Cheese經典芝士通粉
兩杯落肚已經有少少醉嘅我，點了一個經典芝士通粉，用上三種芝士去製成嘅通粉香味濃郁唔好睇佢好細碟，食落去真係好飽啊！食落去嘅拉芝士絲令我立即聯想到我嘅至愛水牛芝士，一問之下果然冇錯使用左好多水牛Mozzarella芝士做個汁，加上香濃的瑞士Gruyère芝士，配柏爾瑪芝士製作脆片，視覺和味覺都完美演繹！
再泥一碟Sauteed Squid香煎墨魚
用上新鮮墨魚切得細條，再煎香，配合意大利黑醋、麵包及青蔥，意大利黑醋唔會蓋過墨魚嘅鮮味，食落去墨魚彈牙可口，墨魚切得好似意粉一樣咁細，分量都幾大，誠意佳作！最後點少得要叫甜品呢！
Cryo-Fried Vanilla Ice Cream火焰雪糕
泥嘅時候我以為泥錯咗個麵包，原來係一個超級大有兩個拳頭嘅雲呢拿雪糕，先配合粉漿炸成球型，再倒上勁high 嘅白蘭地，點火燃燒，燒完再配以紅桑梅醬，紅桑莓醬配合雲呢拿雪糕係接近完美的配搭，外層燒過的外皮帶點脆！
裏便嘅雪糕凍冰冰，冰火交融！層次分明~ 仲要配合上枱嘅氣勢！四個女仔望都目不轉睛！拍曬手！一傾就傾左好幾個鐘，快樂嘅時間過得好快，還記得當年十幾歲，青澀，直接，真我，反叛，現在的大家在酒後言語中，娓娓道出了這十年，到底是我們走過人生，還是人生走過了我們？
張貼
