鐵板燒雪舟

營業中

休息中

今晚由銅鑼灣地膽帶路，行到去利苑後面搵食，第一次係行過黎呢邊，估唔到有咁多野食。今晚食期待已久既鐵板燒，餐廳全部都係bar檯位，可以一邊食一邊睇住廚師烹調，另外仲有間房，私隱度十足，鐵板燒既好處就係師傅會按你既進食速度而調節每一道菜既時間，食完一道先上另一道，咁樣每道菜都可以保持最新鮮既狀態上檯。首先會上一杯餐前酒，係柚子酒，柚子味香濃，酒味唔算太勁。和風沙律沙律有沙律菜、蕃茄仔、青瓜等等，配以沙律醋，酸酸甜甜，好開胃。日本九繪魚魚湯師傅首先將魚煎香，魚肉嫉滑，然後湯底呈奶白色，魚味超濃。澳洲產鮑魚第一次見手掌咁大既鮑魚，肉質非常厚身彈牙，食落好鮮甜，配以香草醬調味。日本產蠔將蠔煎到外脆內軟，咬落質感軟熟，多汁，配料用左好脆既櫻花蝦，食落多重口感。和牛厚燒、薄燒，日本炒野菜牛肉油脂分佈均勻，厚燒食落有口感，肉汁豐富，牛肉味香濃，薄燒就入口即溶，真係各有千秋。野沢菜煙肉炒飯最後食埋個飯先算完滿，用上雞蛋、煙肉、野菜炒飯，炒飯粒粒分明，鑊氣十足。味噌湯最後甜品可選生果或雪糕，我就揀左綠茶雪糕。